طاسم — معناسی عقد لاینحل+در بعضیلر قهر و تسلیطه
دائر بر علم اولدیغیچون (مسلط)ك مقلوبیدر دیدیلر بو علم عالم كون
و فسادده بر طاقم افعال غریبه احداثی ضمنده قوای سماویۀ فعالە+یی قوای
ارضیۀ منفعله ایله تركیب و تمزیج كیفیتندن و ینه انلره مناسب بخورات مقویه+نك
طرق استعمالاتندن بحث ایدر سحره نسبتله مأخذی یقین و فقط طریق
تحصیلی غایت مشكل و چتیندر مجریطی بو فنك قواعد اساسیه+سنی :
)غایة الحكیم) نام كتابنده بسط و بیان ایلدیسه ده ترا كیبی فوق النهایه دقیق
و مغلق اولدیغندن همان بر فائده استحصال اولنه+مز كبیدر علامه یوسف
سكاكینك دخی اولبابده بر كتاب جلیل القدری واردر
بو فنك وجود و حقیقتنه ازجمله مصرده نیل اوزرنده واقع تمساح طلسمی
ایله تأیید بخش ادعا اولورلر كه مقدما تمساح قورقوسندن نیل كنارنده
طورلمق خارج ازامكان اولدیغی حالده طلسم مذكورك تأسیسندن برو اشبو
مخاطره كلیاً مندفع اولمشدر بلاد سائرە+ده دخی بوكا مماثل برچوق آثار
مطلسمه بولندیغی مرویدر
طلسم اربابی عندنده علم طب كبیدر زیرا طب جسم آدمه نصل خدمت
ایدرسه طلسم دخی جسم عالمه اویله+جه خدمت ایدر فقط مبادیسنده مثلا
غلم نجومی اسرار و دقایق و نكات و حقایقیله بیلمك كبی بر طاقم مشكلاته تصادف
اولندیغی جهتله اربابی پك نادر بولنور