طغرل برنجی — سلچوقیۀ ایرانیه سلاله+سنك مؤسسی و سلچوق
نام ذاتك حفیدیدر مشارالیه خراسانك جهت شمالیسنده متوطن ترك قبیله+سنك
رئیسی اولوب سلطان محمود غزنوی و مؤاخراًً یرینه کچن اوغلی مسعودك
تحت تابعیتنده بولنور ایدی
بو صره+ده سلطان مسعوده قارشو عصیان و اولا خوارزم ایله خراسانك
بر قسمنی و هرات و نیشابوری استیلا و بعده (۱۰۳۹ م و ۴۳۱ ه) تاریخنده
مسعوده غلبه ایدرك سلطان عنواننی آلدی بونك اوزرینه افكار استیلا
جویانە+سنی غربه طوغری سوق ایله اصفهانه بالدخول ۱۰۵۱ تاریخنده
بالجمله ایران ممالكنه و (۱۰۵۵)دن (۱۰۵۹) تاریخنه دكین بر چوق
محاربات خونریزانه ایله بغداد و توابعی بولنان دیاربکر و موصله و سوریه+نك
بعض جهتلرینه مالك اولدقدن صكره خلیفه قائم اوزرینه خیلی وقتدنبرو تسلط
ایدن (بسازیری) نام امیر الامرایی قتل و خلیفۀ مشار الیهک قزی سعیده+یی
تزوج ایلدی بوندن صکره+کی وقوعاتی ایسه اك بیوك خصملرندن بولنان
ابراهیم اینال نام قرنداشی ایله قوتلنمش نام عموجه زاده+سنه همدانده غالب
اوله+رق قرنداشنی اعدام و عموجە زاده+سنی ملكندن طرد و اخراج ایلمسندن
عبارتدر یتمش یاشنده اولدیغی حالده (۱۰۶۳ م و ۴۵۵ ه) تاریخنده وفات ایلدی
ایكنجی (طغرل) سلچوقی — (۱۱۳۲ م و ۵۶۷ ه)دن (۱۱۳۴) تاریخنه قدر قاعد تخت سلطنت اولدی
اوچنجی (طغرل) سلچوقی — ارسلان شاهك اوغلی و خلفی
اولوب (۱۱۷۵ م و ۵۷۱ ه) تاریخنده تخته کچدی و اول امرده ملكی پهلوان
محمد و قزل ارسلان نام اتابکلری معرفتیله اداره اولنوب مؤاخراًً سن رشده
واصل اولدقده مومی الیهمانك زیر تحكمندن قورتیلوب عراق عجم طرفنی
دخی حوزۀ اطاعتنه كچوردیسه ده علیهندە بولنان برچوق دولت كوسكنلرینك
تسلطندن قورتیلە+مدی و عاقبت (۱۱۹۴ م و ۵۹۱ ه) تاریخنده بونلردن
خوارزم شاهی (تکش)ك آچدیغیی بر محاربه+ده قتل اولنوب غوغای جهاندن
قورتلدی