آچه — بحر محیط كبیرده و صوماتره جزیره+سنك شمال
غربیسنده بر حكومت مستقله اسلامیه+در و مقر اداره+سی آچین نهری
اوزرنده قازقلر اوستنه بنا اولنمش سكز اون بیك خانه+یی جامع (قیره طون)
شهریدر. بوندن ایكیوز اللی سنه مقدم یعنی بیك قرق تاریخ هجریسنده
آچه حكومتی صوماتره جزیره+سنك همان نصفنه قریب محله حكم ایدر
ایكن شمدی ربعنه تنزل ایتدی و فلمنكلولر بو اثناده حكومت مذكوره+نك بتون بتون
محوینه قالقشدی. آجه اهالیسی عصر سابعده مکۀ مكرمه+دن كیدن
بر عالمك همتیله اسلامه كلمش و عصر تاسعده یعنی سلطان سلیم خان اول
زماننده دولت علیه حمایه+سنی قبول ایتدكلرندن طرف دولت علیه+دن
برطاقم یكیچری عسكری و طوپ و سنجاق كوندرلمشدر.
آچه لولر اوزون بویلی متناسب الاعضا جسور و جنكاور ادملردر
و مملكتلرنده اولان التون و كموش معدنلرندن خیلیجه تجارتلری واردر