لغات تاریخیه و جغرافیه

Lugat-ı Tarihiyye ve Coğrafiyye

طریفه

Tarîfa

طریفه — اسپانیانك منتهای جهت جنوبیسنده و تماماً سبته بوغازی اوزرنده بر شهردر مشاهیر امرای عربدن (طریف) نام ذات طرفندن تأسیس ایدلمش و نامنه نسبتله (طریفه) دینلمش ایدی مؤاخراًً اسپانیوللر تحریف ایدرك (تاریفا) دیمشلردر اسپانیاده لیمون و پورتقالی چوق یر اشبو (طریفه) شهری اولوب الیوم اون بیك قدر اهالیسی و بر بوکلملی لیمانی واردر (۱۳۴۰ م و ۷۴۱ ه) تاریخنده فاس امیری ابوالحسن برقاچ یوز بیك عسكرله اندلسه کچوب قشتاله قرالیله محاربه ایدركن مغلوب اولوب اشبو طریفه قلعه+سنی غیب ایتمشیدی (۱۸۱۱ م و ۱۲۲۷ ه)ده فرانسز دخی تحت محاصره+یه آلمشلردر روایته كوره فاسلیلر باروت ایله كله انداختنی اشبو طریفه قلعه+سنك محاصرە+سی اثناده تجربه ایتدیلر