طرسوس — اطنه ولایتی داخلنده و الیوم قره صو دنیلان
)سیدنوس نهرینك جوار غربیسنده قدیم و مشهور بر قضا مركزیدر سکز
بیك نفوسی و برچوق جوامع و مساجد شریفه+سی واردر موسم شتاده
اهالیسنك عددی اوتوز بیكه قدر ترقی ایدر
طرسوس اوته+دن برو غایت تجارتكاه بر شهر اولوب بر روایتده یونانیلر
و روایت اخرایه نظراً (سرداناپال) طرفندن تأسیس اولندی اسكندر
رومی بو شهری زیارت ایدوب (سیدنوس) نهرینک منجمد صولرنده كزركن آز
قالدی فرق اوله+جق ایدی
)انطوان) مصر تختنه متعلق مشهور (قاله+ئوپاطر) ایله قرندلشی بیننده
تحدث ایدن منازعاتی فصل ایتمك اوزره بو شهرده ب محكمه عقد و اوچنجی
صلیبیون محاربه+سی اثناسنده (فرە+دریق باربروس) بوراده وفات ایلدی
روما ایمپراطورلغی زمانده طرسوسك علم فلسفه و بیان اوقینور مشهور
مكتبلری وار ایدی فیلسوف (اته+نودونا) و علم بیان معلمی (هرموژه+ن)
ایله حواریوندن (پاولوس)ك مسقط رأسلری بوراسیدر