طربزون — اناطولیدا كائن طربزون ولایتنك مركز اداره+سیدر
بو شهر فره دکزك ساحل جنوبیسنده و ارضرومك شمال غربیسندن ۱۴۰
و استانبولك جهت شرقیسندن ۸۹۰ كیلو مترو بعد و مسافە+ده واقع اولوب
فرق بش بیك نفوسی و قرق درت جامع و اوچ تكیه و اون ایكی حمام
یكرمی یدی مكتب درت مدرسه اوتوزبر كلیسایی و بر قلعۀ داخلیه ایله
متعدد قونسلوسخانه+لری و دها بعض آثار عتیقه+یی حاویدر و ایران و استانبول
ایله تجارتی پك ایشلك اولوب اشیای تجاریه+سی اقمشۀ حریریه و قطنیه
و كتان بزی و یمش و زیتون یاغی و دخان و ایپلک و بهاراتدن عبارتدر
ملحقاتنده انواع حبوبات و توتون و فندق و فصولیه و كنویر و قوقوروز
و بعض قضالرنده پرنج و پاتاته و زیتون و پورتقال و لیمون حاصل اولدیغی
کبی هر سنجاق اراضیسنده كلیتلی میشه و چام اورمانلری بولنور
حمسی بالغی قری اهالیسنك اك باشلی حوایج شتائیه+سندندر طربزونك
شكلی چار كوشه اولدیغندن بو نام درت كوشه معناسنه اولان (ترابزا)دن
آلنمشدر بو شهر غایت قدیم بر مملكت اولوب ترووا محاربه+سندن
برو موجود ایدوکی ظن اولنیور طربزون وقتیله (پونت) حكمدارلرینه
تابع ایكن روما ایمپراطورلری زماننده ادارۀ ممتازه+یه مظهر اولوب واسطۀ
تجارتله فوق الغایه اكتساب معموریت و استانبولده بولنان روم ایمپراطورلغنك
هربر وقتنده قزانمش اولدیغی معافیتلری محافظه+یه كسب موفقیت ایدرك
بر اره+لق غوتلر طرفندن احراق اولندیسە ده ینه آز مدت ظرفنده اعادۀ
قدرت ایلمشیدی
مؤاخراًًً (۱۲۰۴ م و ۶۰۱ ه)ده لاتینلرك استانبولی ضبطی اوزرینه ادارۀ
سابقه+سی برتبدل كلی+یه اوغرایە+رق اساس امتیاز و معافیتی بسبتون منهدم
و فقط بر مدت صكره طربزونه التجا صورتیله كلان (علكسی قومنن) بو شهر
ایله جوارنده كائن اراضی+یی بر كوچك دولت شكلنه قویمسیله تكرار مقام
اقتدارده قائم اولدی (۱۲۶۱ م و ۶۶۰ ه)ده بالئوغلر استانبولی تكرار ضبط
ایلدكلرندن طربزون ایمپراطورلغی بوكره ده اشبو یكی استانبول ایمپراطورلغنه
شولە+جه عرض انقیاد ایدوب فقط ایمپراطورلری استانبول خاندان حكمرانیسندن
تعیین اولنمغه باشلادی و خیلی وقت بو صورتله اداره اولندیغی حالده (۱۴۶۱ م و ۸۶۶ ه) تاریخنده آبروی آل عثمانی سلطان محمد خان ثانی حضرتلری
كردستان و ایران حكمداری اوزون حسنك اوزرینه كیدوب اماسیه و توقاد
حوالیسنه تجاوزاتنی منع و ارضرومه قدر ممالكنی ضبط ایلدكدن صکره طربزونی دخی تحت محاصره+یه الدی و بعدالفتح النان اشیای مغتنمه+نك
كافە+سنی صلح رجاسیچون كلان اوزون حسنك والده+سی (ستاره) خانمه
ویروب اسیر ایدیلان طربزون حكمداری (داوید ژان قومنن)ی التی
نفر اولادیله درسعادته كوندردی
)طربزونك صوک روم حكمدارلری اولجه دولت علیه حمایه+سنی دخی قبول
و صكره ایرانیلره میل ایتمشلر ایدی