طراز — ملوك و سلاطین سالفه حریر زیباوپرند و دیبادن منسوج
البسۀ فاخره+لرینک پیرامن دامنلرینه كندو اسماء سامیه و القاب ملوكانه+لرینی
و بعض علامات مخصوصه+یی رسم و سیم و زر ایله نسج ایتدیروب ایام
رسمیه+ده تلبس و انكله اظهار عز و حثمت ایتدكلری لباسدر كاهیجه اشبو
البسه+یی وزرا و خواص ندما دخی زیب دوش مفخرت ایدرلر ایدی
عهد اسلامدن مقدم سلاطین فرس زماننده دخی جامۀ زربفت شاهی صور
و اشكال ملوك ایله ویا تمثال آخرایله مزین ایدی دولت امویه
و عباسیه+ده رسم طراز زیاده مرعی و معتبر اولمغله نسج اثواب ملوكانه
ایچون سرای خلیفه+ده (دار الطراز) نامیله بر كارخانه یاپلمش و (صاحب
طراز) نامنده بر ناظر وسمی اداره+سنه ویرلمش ایدی بو اصول مصر
و مغرب و اندلس ملوك اسلامیه+سنده دخی مرعی اولە+رق التی یوز تاریخ
هجریسنه قدر دوام ایتمشیدی