طرابلس غرب — افریقاده دولت علیه ممالكندن بر ولایت
جسیمه+در جهت شرقیسنده (مصر) و غربیسنده (تونس) و جهت
جنوبیسی چول و (فزان) و (تواریك) ایله تحدید اولنور غربدن
شرقه ١٧٥ و شمالدن جنوبه ۷٥٠ كیلو مترو قدر ممتد اولوب مغریبیلر
عربلر تركلر زنجیلر یهودیلر و سائره+دن مركب اولمق اوزره مجموع نفوسی
بر ملیون یوز بیكه بالغ اولور مرکز ولایت اولان نفس طرابلس غرب
شهری ساحل بحرده بر قلعه دروننده واقع و یدی بیك سکز یوز نفوس
ذكوری جامع اولوب اون بر جامع یكرمی بر مسجد بش مدرسه اون سكز
مكتب اوچ تكیه درت حمام و اوچ قشله+سی واردر معمولای یوك
و حریر و پموقدن منسوج احرام و صوف شال و حصیر و كلیم كبی شیلر
اولوب اهالیسی بعض مرتبه قیومجیلقله دخی اشتغال ایدرلر اراضیسندن حنطه
و شعیر و قوقوروز و امثالی حبوبات ایله اعلا خرما زیتون زغفران پموق
كوك بویا و بر چوق میوه و سائره استحصال قلنمقده+در طاغلری جزئی مرتفع
و مجراری آز و قومسال و هواسی غایت صیجاق اولدیغندن غربایه اقامت
متعسردر اکثریا جزئی بر سام یلیله هواسی كلی تغیراته اوغرار
طرابلس غرب ولایتنده نفس طرابلس ایله (خمس) (جبل غربیه) (فزان
ناملرنده درت سنجاق واردر نفس طرابلسك (زاویه) و (غرپان)
و (منشیه) و (عجیلان) ناملرنده درت قضا و درت ناحیە+سی اولوب بونلرك
مركز ولایته اك اوزاغی اون ایكی ساعت مسافه+ده+در