طبقات الارض — بر فن مخصوصدر بو فن ارضك صورت
نشكلی ایله جزؤ مركبلرینك طبایع و ترتیبات مخصوصه+سندن و شمدی+یه قدر
اوغرادیغی انقلابات ایله سطحنده وجوده كلان حیوانات و نباتاتك احوال
و كیفیاتندن بحث ایدر بر كوزل فندر بو بابده متقدمین بعض فرضیات و توجیهات
معقوله ایله اکتفا ایلدكلری حالره متأخرین برچوق کشفیات علاوه+سیله
فن مخصوص هیئتنه قویدیلر (برنار) نامنده بر اهل فن (۱۵۷۵ م و ۹۸۳ ه) تاریخنده پارسده فن معادن اوزرینه ویردیكی بر درسده او وقتلر اعتقاد اولندیغی
اوزره داخل ارضده كوریلان حیوانات بحریه قابوقلری انقلابات طبیعیه
اثری اولدیغی علیهنده ادارۀ لسان و قشر ارضده مدفون بولنان اجسام
عضویه حیوانات بقیه+لری اولدیغنی و سطح ارض وقتیله صو ایله احاطه اولنمش
ایدوكنی ادعا و بیان ایلدی و مومی الیهك بو فكری اون یدنجی عصر
میلادی نهایتلرینه طوغری ثمره+دار اولمغه و (۱۷۴۶ م و ۱۱۶۰ ه) تاریخنده
فن طبقات الارض خریطه+لری ترتیب اولنمغه باشلادی (۱۷۸۷ م و ۱۲۰۲ ه) تاریخنده (ورز) فن مذكوره دائر نشر ایلدیکی
نظریاتده اراضی+یی اوچ نوعه تقسیم ایله (غرانیت)لری اك قدیم اراضی
زعمیله برنجی عد ایدرك اراضیء اصلیه و طبقات مختلفۀ جماداتی ایكنجی
اعتباریله اراضیء ثانیه و دور حیواناتی اوچنجی فرضیله اراضیء متوسطه
تسمیه ایلدی ایسە ده مادۀ اصلیۀ ارضی مایع زعم اتمکله بر بیوك خطایه
دوشدی هر نه حال ایسه طبقات ارضك حقیقة کشفی اون طقوزنجی
عصر میلادیده بداء ایدرك (۱۸۱۱ م و ۱۲۲۶ ه) تاریخنده مادۀ اصلیۀ
ارضك بر سیالۀ ملتهبه اولدیغی و بو خصوص شكلنك كرویتنه و صولر ایله
برلكده انقلبات سائرە+سنه سبب بولندیغی قبول اولندی صكرە+لری
وقوعبولان کشفیات بو حقایقی تأیید و توسیعدن عبارتدر