طبریه — سوریه+ده طبریه كولنلن ساحل غربیسی اوزرنده
و عکانك ۶۵ كیلومترو جنوب شرقیسنده درت بیك نفوسی جامع بر شهردر
دروننده بر روم باش پسقپوسی بولنور ابنیۀ عتیقه+دن اولە+رق بر سوری
و ایكی جامع ایله (مسلم)ك بر قصری و بر طاقم دخی قدرت صولری واردر
طبریه (۳۴ م) تاریخنده روما ایمپراطوری (تیبر) نامنه اولمق اوزره قدس
شریف حاکمی (آنتی پاتری) طرفندن تأسیس ایدلمشیدی ۷۰ م تارنخنده قدس شریفك خرابیتی اوزرینه موسویلر (میسشیتا)یی
تحریر ایدن مشهور بر جمعیت علمیه+یی بوراده تشكیل ایلدیلر و قسطنطین
زماننده پسقپوسلغه تحویل اولندی(۱۱۸۷ م و ۵۸۳ ه)
تاریخنده صلاح الدین ایوبی (لویزیان) نام قدس
شریف قرالنه بوراده غلبه ایدوب قدسی ضبط ایلدی اردن نهری شمالدن
جنوبه طوغری بو مملكتدن مرور ایدر
طبریه كولی عرضاً و طولاً ۳۵ كیلومترو وسعتنده اولوب مقدما نامنه
ژه+نه ژاره+ن) دینور ایدی حضرت عیسی علیه السلام اکثر معجزاتنی
بو كول جوارنده اجرا بیورمشلردر
طبریه (۱۷۹۷ م و ۱۲۱۲ ه) تاریخنده فرانسزلر طرفندن ضبط اولنە+رق (۱۸۳۷ م و ۱۲۵۳ ه)ده وقوعبولان بر حركت ارضدن طولایی همان
كاملاً خراب اولمشیدی