طب — حفظ صحت و دفع مرض حیثیتیله بدن انساندن باحث
بر علمدر که علوم ساءره+یه تقدم و رجحانی امام شافعی حضرتلرینک (العلم
علمان علم الطب للابدان و علم الفقه للادیان) بیوردقلری کلام حكمت اتسام
ایله واصل رتبۀ ثبوت اولور امام علی كرم الله وجهه و رضی الله عنه
حضرتلری دخی علوم بش در و انلرده (فقه للادیان طب للابدان
هندسةللبنیان نحولللسان نجوم للزمان) بیورمشلر ایدی
طبابت اك اسكی زمانلردن برو مصر قدیمده علم حالنده موجود ایدی مؤاخراً
آل اسقلیپادسك منشعب اولدیغی اقلیپاد و فیثاغورس و دموقریتسك اثر
همتلریله یونانه نقل اولندی مصرده اولدیغی كبی یونانده دخی اجرای
طبابت ابتدالری طائفۀ رهبانه منحصر ایكن فیثاغورسیون طبابتی ایادیء
رهبانیاندن خلاص ایله تعمیم و انتشاره بادی اولدیلر بو خدمت عظیمه+نک
منشائی ایتالیا مدرسه+سیدر بقراط دخی اكرچه قانونی سایە+سنده معلم اول
عنواننی قزاندیسە ده علم طبده مومی الیهه اسناد اولنان تألیفاتک كندو
قریحه+سندن نشأت ایلدیكنه شبهه ایتمكده+درلر
طبك بو كونکی كونده اكتساب ایلدیكی وسعت و اهمیت وقتیله اهل اسلام
طرفندن دخی كوردیكی همت و غیرت اثری اولدیغنه تاریخلر و اولبابدە اولان
كتابلر شهادت ایده+یور ازجمله متبحرین علمادن ابو بكر رازی محمد بن زكریاكه
منطق هندسه و سائر علوم فلسفە+ده مهارتی و بتخصیص علم طبده حذاقتی
امور مسلمەدن ایدی یالكز طب و فلسفه+ده یازدیغی كتب و رسائل جمعاً
یوز اون التی+یه بالغ اولمشدر بری دخی ابن نفیس مصری+دركه علم طبده
تصانیف فایقه و مؤلفلت رایقه صاحبی اولوب (كتاب موجز) و (شرح
كلیات قانون) و (شامل) نام كتابلری او جمله+دن اولمق اوزره تألیف ایلمشدر
ابن سینانك قانونی ایسه الحق علم طبده حكمی لایتغیر بر قانون ضعفا پروردر
بعضیلری تداوی خصوصنده مومی الیه ابن نفیسی ابن سینایه دخی ترجیح ایدرلر
اشبو ابن نفیسك اصول فقه و منطقده دخی تألیفات عدیده+سی وار ایدی
تحقیقاته كوره ذکری سبقت ایدن شامل سكسان جلدی جامع بر اثر جلیل ایسه ده
ناتمامدر اكرمومی الیهك عمری وفا ایده ایمش اثر مذكور تخمیناً اوچیوز
جلده بالغ اوله+جق ایمش