اجسام — خارجده وجودی مرئی و محسوس اولان شیلره
اطلاق اولنور بونلردن بعضیلری حس و حركتدن عاری و فقط قوانین
حكمیه احكامنه تابع و بعضیلریده ذوحیات اولوب دوام حیاتلریچون
برچوق اعضایی حاویدر و حس و حركتدن عاری اولنلره (اجسام
غیر عضویه) و ذوحیات اولنلره (اجسام عضویه) دینلمشدر اجسام
غیر عضویه معدنیاتی و اجسام عضویه حیوانات و نباتاتی شاملدر و بو
أوچی بشقه بشقه فن اولمقله برابر جمله+سنه موالید ثلثه تعبیر اولنمشدر.
موالید ثلثۀ مذكوره+دن اجسام معدنیه قابل تجزیه اولدیغی حالده (بسیطه)
و (مركبه) ناملریله ایكی+یه منقسم اولدیغی كبی اجزای متركبه+لرینك قوۀ
ارتباطیه+لرینك صور مختلفه+سنه نظراً اشبو ایكی قسمك هر بری دخی اجسام
)صلبیه) و (مائیه) و (هوایه) دنیله+رك اوچ قسمه تفریق اولنور.
عملیات كیمیویه ایله تحلیللری و كندیلرندن بر جسم دیكر استحصالی
ممكن اولمیان التون و كموش و قورشون كبی اجسام بسیطه+یه (عناصر)
ویا (اجسام عنصر یه) و یاخود (اجسام مفرده) دیرلر و تحلیللری
و كندیلرندن بر جسم دیكر استحصالی ممكن اولان صو و شاب و كهرچله
مثللو اجسامه (اجسام مركبه) تعبیر ایدرلر بونلرك جمله+سنك خواص
طییعیه و كیمیویه و حسیه+لریله بینلرنده اولان مناسبات و امتزاجات كتب
حكمیه و كیمیویه+ده مفصل و مشروحدر بو حالده اوته+دنبرو معروف
اولان عناصر اربعه+نك اجسام عنصریه+دن اولمدیغی فوق العاده ترقی
ایتمش اولان اصول تحلیل ایله واصل مرتبه ثبوت اولمش واصل اجسام
عنصریه اطلاقنه سزا اولان اجسام مفرده ارباب فن طرفلرندن التمش التی
عدده قدر ابلاغ اولنمشدر
علم هندسه+ده اجسام ابعاد ثلثه یعنی طول و عرض و مق صاحبی اولان
شیئه دینور و جسمك متحیز اولدیغی مكان محدوده ) حجم ) یاخود جسم تعلیمی
تسمیه اولنور و خطوط منحنیه احاطه+سندن حاصل اولان اجسامه
)اجسام مستویه و خطوط منحنیه احاطه+سندن حاصل اولان اجسامه
اجسام منحنیته السطوح) تعبیر ایدیلور