طالع — ارباب خواص و نجوم قولی اوزره بركمسه+نك حین
ولادتنده حاكم اولان كوكبك اول كمسه اوزرینه تأثیر حكمیدركه اکا حارس
اولمش اولور بر صورت دخی پدر و والده اسملری جمل صغیر اوزره حساب
و یكونندن اون ایكیشر طرح ایله باقی قلان حفظ اولنوب برقالور ایسه
حمل بر جنه ایکی قالور ایسه ثور برجنه الی نهایه منسوب عد وزیرده محرر
اولدیغی اوزره اعتبار اولنور یعنی بر كمسه+نك طالعی اسد بر جنه منسوب
اولور ایسه كوكبی شمس و حروفی (م ن س ع) اولور
حروف
| حروف |
کوکب |
بروج |
| م ن س ع |
شمس |
اسد |
| ذ ض ظ غ |
قمر |
سرطان |
| ط ی ك ل |
مریخ |
عقرب |
| ش ث ت خ |
عطارد |
سنبله |
| ه و ر ح |
مشتری |
حوت |
| ه و ر ح |
مشتری |
قوس |
| ف ص ق ر |
زهره |
میزان |
| ا ب ج د |
زخل |
دلو |
| ف ص ق ر |
زهره |
ثور |
| ش ث ت خ |
عطارد |
جوزا |
| ا ب ج د |
زخل |
جدی |
| ط ی ك ل |
مریخح |
حمل |
طالع حص یاخود (طالع اس) — قویروغی قبارمش و بر چاقل طاشنی
ایصیروب ایكی پارچه ایتمش بر ارسلان صورتی رسم اولنور و اوکنده دخی
بر بیلان اولوركه ارسلانک ایاقلرندن یوزینه طوغری سوزیلوب آغزینی
آغزینه آچمش كورینور وارقە+سنده دخی بر عقرب یورر اشبو صورت
برج اسدك برنجی یاخود اوچنجی درجه+سنه شمسك حلولی وقتنده و فقط
نیرینك نحسدن سلامتی زماننده بر التون لوحه اوزرینه رسم اولنوب و ماء
ورد ایله محلول زعفران ایچنه طالدیریلوب صاری اطلسه صاریله+رق
طاشینور ایسه بین الناس بر محبت و اعتبار حاصل اولورایمش بو رسم و اعتقاد
پک اسكی اولمق كرك زیرا صورت مذكوره بعض اثار عتیقه اوزرنده كورلمکدە+در