طاش — اجسام ارضیه+نك اك سرت و سختی الماس اولدیغی
و بو دخی قاربون خالص یعنی فحم خالص ایدوکی مثبتدر احجارك صلابتی
لایقیله بیلنمك ایچون شو وجهله تعریف اولنمق لازم كلوركه مثلا بر چاقمق
طاشنك زاویۀ حادە+سی یعنی سیوری كوشە+سی جام اوزرنده كزدیرلسه
مذكور جام چیزیلور لكن حجر مذكورك بر بیاض تباشیر استعمال اولنسه
واقعا بو دخی بر خفیف اثر براغور ایسه ده سیلندیكی کبی محو اولور
و بونكله چاقمق طاشنك صلابتی تباشیردن زیاده اولدیغنه حكم اولنور و مع مافیه
الماس ایله تباشیرك بیننده صلابتده مختلف بر چوق درجات اولمق و درجۀ
صلابتلری بربرینه نسبتله نعیین اولنمق اقتضا ایدر قوراس طوپاز ایله
چیزیلوب كندوسی دخی پورسلنا طاشنی چیزدیكندن قوراس سرتلكده
طوپاز ایله پورسلنا طاشی بیننده واقع اولمشدر کذلك ملح قاربون كلس ملح
فلیوركلس ایله چیزیلوب كندوسی دخی ملح كبریت کلسی چیزدیكندن
مذكوركرچ طاشی سرتلكده بو ایكی معدنك صلابتلری بیننده بولنور الماسك
درجۀ صلابتی اون وطلق دنیلان حجرك صلابتی بر اعتبار اولنه+رق سرتلكده
بو ایكی معدنك بیننده واقع بعض اجسامك اسامیسی صره+سیله كوسترلمشدر
|
|
درجات |
| |
طلق |
۱ |
| الچی طاشی |
ملح کبریت کلس |
۲ |
| کرچ طاشی |
ملح قاربون کلس |
۳ |
| |
ملح فلیور کلس |
٤ |
| |
ملح فوسفور کلس |
٥ |
| پورسلنا طاشی |
فلپات |
٦ |
| درالنجف |
قوراس |
۷ |
| زبرجد هندی |
طوپاز |
۸ |
| معلوم |
یاقوت |
۹ |
| معلوم |
الماس |
۱۰ |