لغات تاریخیه و جغرافیه

Lugat-ı Tarihiyye ve Coğrafiyye

ضیای الكتریقی ناقل الكتریق

Ziya-ı elektrikî nâkil-i elektrik

ضیای الكتریقی ناقل الكتریق — ایکی جسمك بربرینه غایت یاقلشدیرلدقلری نقطە+دن جریان الكتریقی مرور ایلدیكی اثناده شرارۀ الكتریقیۀ متوالیە+دن متحصل ضیایه تعبیر اولنور. بو ضیا غایت شدتلی اولوب حتی جریان الكتریقی بربرینه غایت قریب ایكی کمور پارچه+سنك اینجه اوجلرینك اره+سندن مرور ایندیریلور ایسه عادتا كونش ضیاسی قدر پارلاق اولور. الآن آوروپاده بر خیلی شهرلر بو نوع ضیا ایله تنویر اولنمقده اولدیغی كبی فنارلرده و دشمنك كیجه وقتی حالنی كشف ایتمك اوزره. اردولرده و خصوصیله سفائن حربیه+ده دخی قوللانلمقدە+در. بو فنارلرده جریان الكتریقی تأثیرندن كمورلرك اوجلری بیلنە+رك بربرندن اوزاقلاشدیغی جهتله مسافۀ مطلوبه+یی محافظه ایده+بیلمك اوزره مختلف الكتریق قناری ناظملری میدانه كلمشدر.