ضحاك بن مزاحم — مشاهیر تبعیندندر (٦٧٩ م و ٦٠ ه)
تاریخنده تولدله (٧٤٩ م و ١٣٢ ه)ده خراسانده وفات ایلدی. تدریس
علم ایله مشغول بر ذات فطانتمشمول ایدی. محكیدركه مشارالیه بر خرستیانی
فضائل شریعت محمدیه+دن بحث ایله قبول دین اسلامه ترغیب ایلدكده
خرستیان بنم اسلامه ذاتاً محبتم وار لكن شرابه اولان محبتم قبولنه
مانع بولینوردیر. ضحاك صاحب ادراك دخی (اسلم فاشربها) یعنی اسلام
اولده ینه ایج دیه+رك ارائۀ طریق سهولت ایتمكله خرستیان درحال عرض
ایمان ایلر. بونك اوزرینه ضحاك مومی الیه اشته توفیق حق ایله مسلم
مسلم اولدك بوندن صكره اكر دونر ینه ایچرسك شرعاً حدینی بیلدیررلر
دیمكله مهتدئ مومی الیه كافۀ شعائریله اسلامی اختیار ایدوب داخل دائرۀ
اخیار اولور. (اشته حیلۀ شرعیه+دن مراد بویله شیلردر).