لغات تاریخیه و جغرافیه

Lugat-ı Tarihiyye ve Coğrafiyye

صولاق

Solak

صولاق — ملوك عثمانیه حضراتنك حضر و سفرده اثنای حرکتلرنده محافظۀ نفسلری ایجون ترتیب اولنمش بر طاقم یایا آدملردركه بونلر اسب شاهینك هرایكی طرفنده و اوكنده پیاده اولە+رق یوررلر و سفرده تهلكه+لی محللردن مرور و عبور اثناسنده آتك دیزكینندن طوته+رق محافظۀ نفس نفیس پادشاهی+یه اعتنا ایدر ایدی. صولاقلر یكیچریلر زماننده التمش و التمش بر و التمش ایكی و التمش اوچنجی جماعت اورته+لرندن آلنمق اوزره جملةً یوز نفر اولوب الایلرده باشلرینه توكلی كلاه و بیاض بنیش و اوستنه ینه بیاض و درت قوللی خفتان كیرلر و اشبو قوللرك ایكیسنی قوللرینه كییوب دیكر ایكیسنی قوشاقلرینه صاررلر و آرقه+لرنده اوق قویمغه مخصوص بر محفظه طاشیدقلری كبی اللرنده بررده اوق طوتارلر ایدی یكیچری اوجاغی لغو اولندقدن صكره اشبو صولاقلر بر بشقه طرز مستحسنه صوقلدیلر شویله كه غایت مزین ستری و پانطلون ایله برابر باشلرنده قطیفه+لی و چكه قوردونلی قالپاق و قالپاغك اوزرینه برقاچ نوع و صورتده اوزون رنك آمیز توكلر طاقیلی اولدیغی حالده الایلرده پادشاهك اوکنده و آتی اطرافنده منتظماً یوررلر و ایچلرندن بعضیلری یالدیزلی تبر طاشیرلر و باشلرنده+كی توكلر ایسه پادشاهی سربستجه كورمكه بیلغی مانع اولورلر ایدی.