صور — فنیکه+ده ایکی شهرك اسمی اولوب بریسی صیدانك
ساحل جنوبیسی اوزرنده دیكری جوارنده واقع بر جزیره+ده بولنور برنجیسی
میلاددن ۱۹۰۰ سنه مقدم تأسیس اولنوب (۵۷۲ ه) تاریخنده (بختنصر)
طرفندن تخریب اولنمش و ایكنجیسی مملكتلرینك دوچار اولدیغی یغما و قتل
) نفوسدن رها بولمق اوزره جزیرۀ مزوره+یه التجا ایدن صورلیلر طرفندن
انشا قلنمشدر. صورك شمالاً صیدایه و جنوباً مصره متوجه ایكی لیمانی
وار و سورلری غایت مستحكمدر. جزریرە+یی قره+دن تفریق ایدن بوغازك
عرضی تقریباً اوچ كیلومترو و اولدیغندن ضبطی ممتنعدر بوراسی وقتیله اك
زنكین بر دولت طرفندن تشكیل اولنە+رق قوۀ بحریە+جه دخی فوق الغایه
ایلرولدیكندن (ملکة البحور) نامی ایله شهرتشعار اولمشیدی اولوقت
تجارتی دخی بحراطلاسی+یه قدر ممتد اولە+رق دنیاده كوچك بیوك هر بر غوائلدن
وارسته بولنمشیدی باخصوص قراللری بیننده معروف اولان (حیرام) نام
قرال حضرت سلیمانه ذیقیمت كراسته اعطا و اورشلیمده بولنان معبدك انشاسیچون
كافی درجه عمله اسرا ایلمشدر. صورك میلاددن (عن ۵۷۲ الی ۵۵۴) مقدمنه دكبن اولان مدتدن ماعدا وقتلرده شكل حكومتی مستقل ایدی. آثور حكمداری اولان صلما نازاره قارشو صوری مظفرانه وقایه ایدن (رالیله
و اون أوچ سنه محاصرە+دن صكره بختنصر طرفندن ضبط ایلدیکی اثناده
حكمدار اولان ایكنجی (اینوبال) صورك اك مشهور حكمدارلرندن ایدی
صوری یدی آی محاصرە+دن صكره ضبط ایدن مشهور اسكندر دخی غایت بیوك
بر بند ایله جزیره+یی قره+یه وصل ایلدی. بر چوق سنە+لردن صكره دیمتریوس
پولیقرنك پدری اولان (انتیفون) زماننده اون درت آی قدر بر محاصره دها
كوره+رك اولوقتدن برو سوریه+یه التحاق ایتدی (۵۴۶۹ خ) تاریخنده یعنی
میلادك یوز یكرمی بش سنه مقدمنده صورلیلر بالنفس قانونلری واسطه+سیله
اداره اولنمق مأذونیتنی سوریه حكمدارلرندن نحصیل ایلدیلر بو زمان سوریه+ده
مستعمل اولان تاریخه صور تاریخی دینلوردی بو شهر سوریه ایله برابر
رومالوره و کچوب مؤخراًً عربلر و صكره (۱۵۱۷ م و ۹۲۳ ه)ده دولت
علیه طرفندن ضبط اولدی. شمدیكی صورك انجق ایكی بیك اهالیسی
اولوب لیمانی دخی قوم ایله طولمشدر