صنعا — یمن ولایتنك مركزی اولان شهردر بو شهر بر واسع و معمور صحراده و (جبل نقم) اتكنده مبنی و جمله+سی صوم کاركیر و اوچر دردر قات اوله+رق بش التی بیك خانه و یكرمی بشبیك نفوسی و اللی جامع و مساجد و اون حمام و برچوق باغچه+لری حاوی اولوب اطرافی متین حصار . و مرتفع قله+لرله احاطه اولنمش و درونندن (غیل الاسود) نام نهر کچمکده
بولنمشدر و اوچ چاریك مسافە+ده اولان (روضه) نام فصبه دخی غایت معمور و پك چوق باغ و باغچه+لر و قصرلرله مزین اولوب اکثر اغنیای اهالیء صنعا ایام صیفده بوراده اكلنورلر. صنعایی علی روایة سام بن نوح علیه
السلام بنا و دروننه بر قیو حفر و قصر (غمدان)ی انشا ایتدی سورلر و قله+لر و جبل مزبور یماجنده اولان قلعه صكره+دن یاپلمشدر. صنعایە زمان جاهلیە+ده (ازال) دیرلر ایدی مؤخراً صنایعنك جزیرة العربده اشتهاریه
بناء بو نامی آلمشیدی
بوراده بر قاب دروننده ایكی حبە+لی بر نوع بغدای حاصل اولور اهالی بوكا (علس) تعبیر ایدرلر. محصولات سائره+سی و اهالینك مذهبلرله وقایع تاریخیه+سی ایچون (یمن) كلمه+سنه نظر بیوریله .