صنایع — ابنای بشرك محتاج اولدیغی معمولاتی وجوده
كتورە+جك اعماله تعبیر اولنور. صنایعک بر نوعی زراعت كبی ال ویا
ماكنه ایله مواد طبیعیه+یی موقع استفاده+یه وضع ایتمكدن یاخود صنایع
نسجیه كبی مواد طبیعیه+یی احتباجات بشریه+یه موافق معمولاته تحویل
ایلمکدن عبارت اولور. دیكر نوعی قوۀ مفكره ثمراتی اولوب بوده یا صرف
قوۀ مفكره معاونتیله حصوله کلور علی العموم ادبیات كبی یاغود قوۀ
. مفكره ایله برابر حواس سائره+نك ده معاونتیله وجوده كلور صنایع نفیسه
كبی. اوروپالور صنایع مختلفه+نك قواعد مخصوصه+سندن باحث
و (تكنولوژی) نامیله بر فن وجوده كتورمشلردر. فرانسه+ده (۱۸۰۳ م و ۱۲۱۸ ه) ده تأسیس اولنمش اولان صنایع مكتبلری ماكنه
ویا ال ایله یاپیلان صنایعك قواعدینی اصلاح و تعدیل و نشر غرضبله تأسیس
اولنمش اولوب مكاتب مزبوره+یه ۱۵ یاشندن ۱۷ یاشنه قدر طلبه آلنور
و درسلری تظری و عملی اوله+رق تدریس اولنور. ۱۸۲۹ ده خصوصی
اولە+رق تأسیس اولنوب مؤخراًً حكومت ادارە+سنه آلنان (صنایع) مکتبی
ملكیه مهندسیله صنایع سائره ایچون ایش باشی یتشدیرر. ۱۷۵۹ ده
مؤسس (قونسرواتوارده ژار) نام بر اداره دخی صنایع ایچون ایجاد
اولنان آلات و ادوات و ماكنه+لرك برر قطعه كوچك مودللرینی حفظ
. ایدوب صنایعه متعلق معلومات جدیده+یی نشر و تعمیم ایله مشغول اولور.