صرپ — اسقلاوون نسلندن متشعب بر قومدر بونلر مقدما
روم ایلنده مسكون اولدقلری حالده عدم سكون و اطاعتلرینه مبنی ایمپراطور
)هراقلیوس) طرفندن (۶۳۰ م و ۹ ه) تاریخنده شمدیکی صربستانه طرد اولنمشلر ایدی كیت كیده اوراده كسب جسامت ایلیوب ابتدا نواحیء غربیه+ده اولنلری (۱۰۳۹ م و ۴۳۱ ه) تاریخنده نائل استقلال اولدیسە ده ۶۸ سنه صكره ینه حال سابقلرینه ارجاع اولنوب مؤخراًً (۱۳۸۸ م و ۷۹۱ ه) سنه+سی قوصوه محاربۀ معلومه+سنده دولت علیه طرفندن تأدیب و (۱۵۲۰ م و ۹۲۷ ه) تاریخنده مملكتلری کلیاً ضبط و تسخیر ایدلدی. بو اره+ده بعض وقوعات مشهورۀ تاریخیە+دن صكره (۱۸۱۱ م و ۱۲۲۶ ه)ده روسیه ایله یاپیلان (یاش) مصالحه+سنده مختاریت ادارە+سی دولت علیه+یه تصدیق ایتدریلوب بو صورتله ده بر زمان كاه اطاعت و كاه عصیان اوزره زیر ادارۀ دولت علیە+ده بولندقری حالده عاقبة الامر روسیه ایله آچیلان حرب اخیر نهایتنده یعنی (۱۸۷۸ م و ۱۲۹۵ ه) تاریخنده و رومانیادن براز صكره قرالیتی دولت مشارالیها و اوروپا دول سائره+سی طرفلرندن قبول و تصدیق اولندی. صرپستانك حدودی طونه+دن (صوا) نهریله چار طاغنه منتهی اولور. مر حكومتی بلغراد و سائر باشلیجه مواقعی (سمندره) (قراقویا) (زایچار) (علكسنچه) شهرلری اولوب مجموع نفوسی بر ملیون یدی یوز بیك رادە+سنده+در.