صدا — بر جسم الاستیقی+یه ویرلان حركت اهتزازیه+نك جسم
مذكوری محیط اولان مادۀ سیاله+یه انتقال و سیالۀ مذكوره واسطه+سیله ده.
آلت سمعه ایصال اولنمسندن عبارت بر اثردر. صدا خكمت طبیعیە+نك
باشلجه قسملرندن عبارت اولوب ریاضی حكمی موسیقی شعبه+لرینه منقسمدر.
صدا هوا مایعات الاستیقی اجسام واسطە+سیله منتشر اولوب هواسی تخلیه
اولنمش محلده منتشر اوله+مز. متصوت بر جسمه ضرب اولننجه جسم
مذكورك جزؤ فردلرنده حصوله كلان بر حركت اهتزازیه ویا تلاطمیه+دن
جسم مذكوری محیط اولان هوا حصه+دار اولە+رق جسم مذكوری محیط
اولان قسمنده اهتزازات حصوله كتورر و مزكور اهتزازات متحد المركز
هوا طبقه+لریله مسافات بعیدە+یه انتقال ایدر و عضو سمعه واصل اولور. راكد
هوا دروننده صدانك بر ثانیه+ده سرعتی ٣٤٠ و صو دروننده ١٤٣٥ ذراعدر.
اوزاقدن آتیلان بر طوپ ویا تفنك پاتلادیغی آنده ساعته باقیلوب صدانك
وصولنه قدر اولان عدد ثایه ضبط و عدد مذكور ۳۴۰ ایله ضرب اولنور
ایسه حاصل ضرب تقریبی اولە+رق طوپك بولندیغی مسافه اولور.
محالف ویاخود موافق هوا و صغوق ویا صیجاق سرعت صدایی تعدیل ایدر.
اهتزازات صوتیه اثنای انتقاللرنده بر مانعه تصادف ایدنجه الاستتیقی جسملر كبی
زاویۀ ورود زاویۀ انعكاسه مساوی اولە+رق عكس ایدوب عكس صدا
دنیلان اثرلری وجوده كتوررلر. خطوط شعاعیە+یی عكس ایتدیره+رك
بر یره جمع ممكن اولدیغی كبی خطوط صدائیه+نك دخی قطع مکافی سطحلردن
عكس ایتدیرە+رك بر یره جمعی ممكندر. متقدمین حكما صدانك یالكز فن
موسیقی+یه عائد قسمنی نظر دقته الوب ریاضی و حكمت طبیعیه+یه متعلق
جهتلرینی بر درجه+یه قدر اهمال ایتمشلرایدی (فثاغورث) متهزز تللرك
طوللری بیننده موجود نسبتی بولدیس ده اصل صدایه دائر كشفیاتك ترقیسی
اون التنجی عصردن بدأ ایدر. عصر مذكورده (بافون) نام ذات صدانك
انتشار و عكسنی بیلورایدیسە ده بو ایکی اثرك تابع اولدقری قوانینی بیلمز ایدی
مؤخراًً (سووور) نامنده بری بونلرك اهتزازی قوانیننی كشف و آلات موسیقیه+یه
تطبیقنی اجرا ایلدی و (۱۸۰۹ م و ۱۲۲۴ ه)ده دخی الاستیقی سطحلرك اهتزاز
قانونلری كشف و برچوق ترقیات وجوده كتورلدی.