صخرة الله — قدس شریفده زیارتكاهدر داود علیهالسلام
شرف نبوت و منصب خلافت ایله مشرف اولدقده بنی اسرائیلك قبة الشهاده
و تابوت عهدینی بیت مقدسه نقل و بر خیمۀ مخصوصه اعمال ایدوب
صخرة اللهك اوزرینه قویدی و قبۀ مذكوره کالاول قبله اتخاذ اولندی
بعده حضرت داود صخرة اللهك اوزرینه مسجد بناسنه باشلایوب اوغلی
حضرت سلیمان تكمیل ایلدی و مؤخراًً بخت نصر مسجد مزبوری هدم
ایدوب بنی اسرائیلک اطلق و اعادە+سندن صكره حضرت عزیر معرفتیله
ینه انشا اولندی و رومالولر معرفتیله بر دها تخریب اولنوب دین مسیح
تقرر ایدنجه+یه فدر كاه تعظیم وكاه ترك ایدلدی و ایمپراطور بیوك قسطنطین
زماننده دین مسیح دین رسمی حکمنه کیردكده ایپراطور مشارالیهك
والدە+سی (الن) (٣١٤ م) تار بخنده قدس شریفه عزیمتله صلیبی طپراق
ایچنده و یهودیلر طرفندن قونمش خس و خاشاك و قازورات التنده بولدی
چیقاردی و حضرت مسیحك قبری اولمق زعمیله اورایه قمامه كیساسنی
بنا ایتدكدنصكره بنی اسرائیل وقتنده مبنی اولان عمارت بیتدن بولدیغی
بنایی تخریب و ذكر اولنان زبل وقاذوراتی صخره اوزرینه دوكدیرە+رك
مكاننی ستر ایلدیسە ده حضرت (عمر) رضی الله عنه فتح بیت مقدس
ایچون بالذات سفر و عقیب فتحده صخره+یی سؤال ایدوب خبر ویردكلرنده
درحال تطهرینی واوررینه بر مسجد بناسنی امر ایلدی.