اثیرالدین ابوحیان — اندلس علماسندندر و مسقط رأسی
غرناطه اسمی محمد بن یوسف+در. بو ذات مصرده شیخ نحاة
و مدرسۀ منصوریه+ده شیخ المحدثین و علوم عربیه و لغتده رئیس العلما اولوب
عمرینی تدریس و تصنیف ایله كچوردی. (البحر ا لمحیط فی التفسیر)
و (البرالجلی و النظر الحفی فی التفسیر) و كتاب الاعلام باركان الاسلام)
و (التقریب) و (خلاصة التبیان فی المعانی و البیان) و (اتحاف الادیب)
و (الاسفار) و (شرح لكتاب سبیویه) و (كتاب تجرید لاخكام
سیبویه) بونكدر و بونلردن بشقه قرق التی عدد تألیفاقی دها واردر.
شوراسی غریبدركه بو ذات هیج تركجه بیلمدیكی حالده انی دخی مصرده
تحصیل ایدوب قواعد تركیه+یی جامع برقاچ كتاب تألیف ایتدی و برینی
الادراك للسان الاتراك) تسمیه ایلدی. وفاتی (١٣٤٤ م و ٧٤٥ ه)
تاریخنده+در.
اثیرالدین اخستكیء فرغانی و اثیرالدین اومانی دخی زمانلری شعرای
بنامندن ایدیلر