لغات تاریخیه و جغرافیه

Lugat-ı Tarihiyye ve Coğrafiyye

آثور اطه+لری

آثور اطه+لری — بحر محیط اطلاسیده و پورتكیز دولتی زیر ادارە+سنده اون عدد جزایر صغیره+نك اسمیدر و مركز اداره+لری (ترسیرا) اطه+سنده واقع (انقره) شهریدر. بونلرك جمله+سنده ایكیوز التمش بشبیك بشیوز نفوس تخمین اولنیور. جزایر مذكوره+دن ) پیق) اطه+سنده سكز بیك قدم ارتفاعنده اولان بر طاغده+كی وولقان شایان تماشادر. بو اطه+لری (١٠٤١ م و ٤٣٢ ه) تاریخنده اندلس عربلری و (١٤٢٠ م و ٨٢٣ ه) تاریخنده پورتكیز سیاحلری كشف اتمشلر ایدی بو اطه لرده پك چوق اتمجه قوشی اولدیغندن و پورتكیزلر اتمجه قوشنه (اتوروس) دیدكلرندن عموم اطه+لره (آثور اطه+لری ) نامنی ویرمشلردر. (اطلانتیت) كلمه+سنه دخی نظر بیوریله .