صائبی یاخود صابئه — شیث علیه السلامك ایكنجی
اوغلی (صابی)یه منسوب بر قومدر علی روایة (صابی) ادرس
یاخود ابراهیم علیه السلام معاصرلرندن بشقه كیمسه ایدی. (صائبی)
عندالعرب ترك دین ایدن كیسە+یه دخی اطلاق اولنور. بو قوم شمدیكی تعبیر
ایله مجوسی دیمك اولوب تناسخ ارواحه و روح انسانینك نور اصلیدن
مفرز بر رشجۀ پاكیزه اولدیغنه ذاهب اولورلر بونلرك مدار مذهبلری
جسمانیین ایچون تعصب ایدن حنفا مذهبنه مقابل اولمق اوزره روحانیین
ایچون تعصبدن عبارتدر و دعوتلری اكتسابه+در حنفانك فطرته اولدیغی
كبی. تفسیر بیضاوی صابئونی نصاری ایله مجوسی بیننده كائن و دین
نوح علیه السلوم ایله متدین بر قوم اولمق اوزره تعریف ایدر و بونلرك
بر قولده كواكب یاخود ملائکه طاپندقلرینی علاوه ایلر امامین حضراتی
دخی صابئیلرك عبدۀ اوثان و نجوم اولدقلرینه ذاهب اولوب فقط امام اعظم
حضرتلری اهل كتاب بولندقلرینی تصدیق ایلشدر.