زینب — خیبر یهودیلرندن حارثك قزی و سلام بن مشکمك قاریسیدركه فتح خیبرده فخر عالم افندمزی تسمیم غرضیله زهرلی بر قزارمش قیون تقدیم ایتمشیدی قیونك مسمومیتی نزد رسالتپناهیده معلوم اولمسیله مزبوره بالاحضار بو خیانته نه سببله جرأت ایتدیكی استفسار اولندقده (اكر حق پیغمبر ایسه+ك كار ایتمز و اكر یلانجی ایسه+ك الكدن قورتلمش اولورز دیو بو ایشه جسارت ایتدم و شمدی حق پیغمبر اولدیغکی اكلایوب ایمان ایلدم) دیوب عرض اسلام ایتمكله مظهر عفو نبوی اولدیسه ده حضرت سیدالمرسلینه سوء قصدینك جزاسنی عاقبت صورت آخرله كوردی شویله كه فخر كائنات افندمز قیونی تناول بیورمق أوزره بعض اصحاب كرامیله سفره+یه اوتوردقلری صره+ده بر لقمه تناولدن صكره (ال چكیكزكه بو قیون زهرلی اولدیغنی بكا خبر ویرییور) بیورمشلر ایدی كندولری سمك تأثیرات مهلكه+سندن قوت نبوت و اضرار خلقدن من طرف الله موعود اولان مصونیت ایله رهایاب اولمشلر و او یوزدن وجود همایونلر ینه مستولی اولان مضراتی دخی درعقب كتفین سعادتلر
اره+سندن حجامت مداواتیله صاوشدیرمشلر ایسه ده اصحاب كزیندن براءبن معرورک مخدومی حضرت (بشر) یوتمش اولدیغی لقمه+نك تأثیریله درحال وفات ایلدیكندن وارثلری ادعاسیله مزبوره زینب قصاصاً قتل و اعدام ایدلمشدر ًشفاء شریفده یازلدیغنه كوره وجود حضرت خیر المرسلینده احیانا او مرضك نكث ایتدیكی و حتی آخر عمرلرنده بیله او نكثك تأثیراتی كندولرینك رتبۀ شهادتی دخی حائز اولملرینه بروسیلۀ آسمانی اولدیغی موثوق بهدر. ) مازالت اكلة خیبر تعادنی فالان اوان قطعت ابهری) حدیث شریفی دخی آنی ناطقدر.