زینب رضی الله عنها — كریمۀ جناب سید البشر حضرت زینبدركه كرائم محترمۀ نبویه+نك اك بیوكلری و جمله اولاد سنیه+نك ایلكلریدر مشیمۀ خدیجة الكبرادن سر بر آوردۀ عالم شهود اولدقلرنده فخر عالم افندمز هنوز اوتوز یاشلرنده ایدیلر سلطان كونین حضرتلری مشار الیهایی كندو تیره زاده+سی اولان یعنی حضرت خدیجه+نك همشیره+سی ) هالت بنت خویلد)ك اوغلی بولنان ابو العاص بن الربیعه تذویج بیورمشلر ایدی اندن علی) نامنده بر مخدومی ایله (امامه) اسمنده بر كریمه+سی اولوب مخدومی. علی كندو حیاتنده وفات ایلدی كریمه+لری امامه كندولرندن صكرە+یه قالوب و اپی وقت معمر اولوب ابتدا حضرت علی+یه و انلرك وقوع شهادتلرندن صكره كندولرینك اولبابده سبق ایدن تنبیه و توصیه+لری اوزره مغیرة بن نوفل حضرتلرینه زوجه اولمشلر ایسه ده ذریت براقه+مامشلردر كرائم نبویه ایچنده حضرت فاطمه+نك غیریسندن نسل نبوی منقطعدر والده+لری حضرت زینبك ارتحالی (٦٢٩ م و ٨ ه)ده وقوعبولدی.