زین الاسلام — عبدالكریم بن هوازن بن عبدالملك نیشابورینك لقبیدر كنیه+سی ابو القسم علوم و معارفده شیخ شیوخ العصر ایدی (٩٨٦ م و ٣٧٦ ه) تاریخنده تولد ایلدی. كندوسی هنوز طفل نوزاد اولدیغی صرە+ده پدری ارتحال دار عقبی ایتمكله ابو القاسم الیمانی نام ذاتك حجر تربه+سنه دوشوب ادب و عربیتی اندن و استاد شهید ابو علی بن دقاق اشارتیله فی امام ابی بكر محمد بن بكر طوسیدن تعلم و بعده ینه اشارت اسناد ایله امام ابو بكر بن فورك خدمتنه مداوم اولوب اندن دخی علم اصول دین و اصول فقهی تحصیل ایله هر برنده بحق اقران و امثالنه تقدم ایلدی مؤخراً استاد ابو علینك قزینی تزوج ایدوب مومی الیهك وفاتندن صكره خراسان حوالیسنك علی الاطلاق استاد مابه الاستنادی اولدی.
تصانیف سائره+سندن بشقه بر تفسیر كبیری واردر.