لغات تاریخیه و جغرافیه

Lugat-ı Tarihiyye ve Coğrafiyye

آثور

Âsur

آثور — سام بن نوح علیه السلامك دردنجی اوغلیدر بو ذات حین تفرقده قبیله+سی خلقیله بغدادك اوست طرفلرینه كیدوب توطن ایلدیسه ده بر زمان صكره بابل اراضیسنده ساكن اولان حامیلر بونلری استثقاله و نزاع و جداله قالقشدقلرندن ٢٩٥٤ خ) تاریخنده یعنی میلادك ایكبیك التی یوز قرق یاخود ایكبیك طقوز یوز اون درت سنه مقدمنده دجله كنار ینه و دها یوقاریلره چكلمكه مجبور اولدی و موصل جوارنده مشهور (نینوه) شهرینی بنا و برنجی آثور دولتنی تشكیل ایدوب بالاستقلال حكومته باشلادی. اشبو برنجی آثور دولتنی تشكیل ایدن سامك اوغلی اولمیوب انك ینه او نامده بر اوغلی یاخود حفیدی اولمق احتمالیده واردر و شهر مزبوره نینوه نامی صكره+دن ویرلمشدر. )نینوس) و (آثوریا) كلمه+لرینه دخی نظر بیوریله