زیج ایلخانی— فارسی . (١٢٧٣ م و ٦٧٢ ه) تاریخنده وفات
ایدن علامۀ محقق نصیرالدین محمد بن حسن طوسینك اثریدر هلاكو خانك (مراغه) شهرنده یاپدیردیغی رصد ایچون تألیف ایلمش ایدی ًمندرجاتی بعض مواد تاریخیه+دن صكره كواكبك سیرینی و طولاً و عرضا مواضع و حركات متباقیه+سنی و اوقات مطالعی بیاندن عبارتدر
رصد مذكورك تأسیسنه (١٢٥٨ م و ٦٥٧ ه) تاریخنده مباشرت اولنمش و حین تاسیس و تنظیمنده (مؤید عرضی) و (فخرخلاطی) و (نجم الدین) دبیران قزوینی كبی افاضل حكمای اسلامیه حاضر بولنمشدر نظام لقبیله معروف حسین بن محمد نیشابوری قمی زیج ایلخانی+یه بر شرح فارسی یازوب (كشف الحاق) تسمیه ایلدیكی كبی علمۀ مومی الیهك دیكر اثری اولان (زیج شاهی)یی دخی نجم الدین لبودی نام ذات اختصار ایدرك (زاهی) نامنی ویرمشدر
زیج سنجری — ابی الفتح عبدالرحمن خازنك اثریدر مومی الیه بر محبوب دلارای رومی و علی خازن مروی نام ذاتك غلامی ایدی مؤخراً تحصیل علوم هندسه وسائره ایله سلطان سنجر نامنه بو كتابی تألیف و مشارالیه دخی بیك عدد دینار احسانیله كندوسنی تلطیف ایلمشدر
زیج المجالس — (١٤٥١ م و ٨٥٥ ه) تاریخنده وفات ایدن علامه بدرالدین محمود بن احمد عینینك سكز جلدی جامع اثریدر بعضیلری كتاب مذكوره (شارح الصدور) دییورلر