زهره — اجرام سماویه+نك كونشله آیدن صكره اك پارلاغیدركه هر یرده اقشام و صباح ییلدیزی و بعض ممالك عثمانیه+ده (اولكر) و (وكربان قران) دیو معروفدر. شمسدن اولان بعد وسطیسی تقریباً ٦٦ ملیون اولوب حول شمسده ٢٤ كون ١٦ ساعت ٤١ دقیقه+ده و كندو محورنده ٢٣ ساعت ٢١ دقیقه ٧ ثانیه+ده دور ایلر فصول اربعه+سی ایكیشر ماهه قریب و قطر حقیقیسی تقریباً قطر ارض قدر (٧,٧٧٠) میلدر. كرۀ ارضدن ایكی قات زیاده كونشدن ضیا و حرارت آلور. فجردن بر ساعت اول جنوب شرقی سمتنده ظاهر اولدقده سحر ییلدیزی و بعدالغروب غرب جنوبیده طلوع ایلدكده اقشام ییلدیزی تسمیه اولنور قدما بونی آیری آیری ایكی ییلدیز ظن ایدرلردی ٢٤ ساعت ظرفنده ایكی دفعه طالع اولدیغنی اك اول كشف ایدن حكمای یونانیه+دن (ارستییپوس)در. اهل هیئت سطع زهرە+ده عدم انتظام و سیاه لكه+لر مشاهده و بو لكه+لرك ١ ساعت كسور دقیقه+لق بر فاصلۀ متساویه+ده تكرار ظهورینی رؤیت ایلملریله اشبو مدتك سیارۀ مذكوره+نك بر دور محوریسندن عبارت اولدیغنی كشف ایلدیلر.