لغات تاریخیه و جغرافیه

Lugat-ı Tarihiyye ve Coğrafiyye

ژولیه+ن / ژولیین

Julyen

ژولیه+ن یاخود (ژولیین) — روما ایمپراطورلرندندر. بو ایمپراطور (ژول قونستانس)ك اوغلی و قسطنطینك یكنی اولوب (٣٣١ م) تاریخنده استانبولده تولد ایلمشدر آسیای صغرایه نفیندن صكره ایكنجی (قونستانس) نام ایمپراطور طرفندن كتوردیلوب (٣٥٥ م) تاریخنده سزار عنوانیله غول والیلكنه كوندرلمسی اوزرینه جرمانلره قارشو آچیلان متعدد سفرلرده كسب شهرته باشلایه+رق (٣٥٧ م)ده جرمانلری كاملاً بوزدی مؤخراً قونستانس غولده بولنان ژولیه+نك عساكرندن بر مقدارینی شرقه سوق ایتمك استیوب عساكر مزبوره بوندن مغبر اولدقلرندن (٣٦٠ م) یاخود (٣٦١ م) تاریخنده ژولیه+نی ایمپراطور اشاعه و اعلان ایلدیلر بونك اوزرینه قونستانس درعقب ژولیه+نك علیهنه تداركات جسیمه ایله قیام ایلدیسه ده تصوراتی اثنای راهده كندوسیله برابر وفات ایلدیكندن (٣٣١ م)ده ژولیه+ن بتون روما ممالكی اوزرینه ایمپراطور اولدی. اشبو نائلیتنك برنجی سببی خرستیانلقدن علناً رجوع ایله پتپرستلكی التزامندن عبارت ایدی فقط استانبوله وصولنده بر طاقم قوانین معقوله وضع و اك زیاده موجب اسف اوله+جق احوال سیئه+یی اصلاح ایلمشدر مؤخراً عجملره قارشو یوریه+رك ارمنستانی و بین النهرینی و دجله نهرندن کچرك بغدادی دائرۀ اطاعتنه الدیسه ده اشبو شهر دشمن طرفندن تخریب اولنمغله رجعته لزوم كوردیكندن اثنای رجعتنده مهلك بر جریحه آله+رق ایرتسی كونی یعنی (٣٦٣ م) تاریخنده دست جراح اجلله یاره+سی الییامپذیر اولدی. عقل و ذكا و معرفت و اعتدال و جسارت و سخا كبی صفات ممدوحه+یی حائز ایدیسه ده عجب و تفاخری بو اوصافنه برر پردۀ اسائت صاییله+بیلورایدی.