ژوستنین برنجی — شرق ایمپراطورلرندندر. (٤٨٣ م) تاریخنده مزیاده بر چفتجی صلبندن دنیایه كلوب ( ٥٢٧ م) تاریخنده عمیسی برنجی (زوستن)ه خلف اوله+رق (٥٦٥ م) تاریخنه قدر درسعادتده سلطنت سوردی و جلوسنك ایكنجی سنه+سی اسلافنك یاپدقلری قوانینی بر هیئت علمیه حضورنده تدقیق و جمله+سنك احكام مرعیه و لازمه+سنی اخذ و تعدیل ایتدیرە+رك ٥٢٩ تاریخیله مشهور اولان مجموعۀ قوانینی وجوده كتوردی و افریقاده واندال حكومتنی منقرض و ایتالیا غوتلرینه غلبه و التی سنه صكره ایرانیلرله آچدیغی محاربه+لرده نائل فتوحات اولدیغنه و درسعادتده مائی و یشیل عربه یاریشجیلرینه طرفدارلق ایدنلرك چیقاردقلری اختلالی تسكین ایده+بیلدیكنه بناء كركی كبی شهرت بولدی. و استانبولده (ایاصوفیه)یی یاپدیروب تعصبنه بناء آتنه+ده+کی فیلسوف مكتبنی فپاتدی و عید میلادك هر سنه كانون اولك یكرمی بشنجی و عید صلیبك كانون ثانینك التنجی كونلری اجرا اولنمسنی تكلیف ایدوب اكرچه روملر قبول ایتدیسه ده ارمنیلر اصول سابقه+دن آیرلمدی. مشارالیه مذهب خرستیانیه+یه پك كوزل خدمت ایتمش و امور سلطنتی كمال عدل و داد ایله رؤیت ایلمش ایسه ده آشفته+لكله مشهوره (طودوره) نامنده بر قزی كوزللكنه بناء حبالۀ ازدواجنه اله+رق مصالح دولته مداخله ایدە+جك درجه+ده نفوذ ویرمسی مدت سلطنتنك بر قسمنی لكه+دار ایتمشدر. بوكا (جوستن یانوس) دخی دیرلر (ایاصوفیه) كلمه+سنه دخی مراجعت بیوریله . شرق حكومتنده (ژوستنین) نامنده بورنی كسیك بر ایمپراطور داها واردر.