لغات تاریخیه و جغرافیه

Lugat-ı Tarihiyye ve Coğrafiyye

ژوژمان دودیو

ژوژمان دودیو — بر متهمك برائت ویا مجرمیتدن قنغیسنه علاقه+دار اولدیغنده كمالیله كسب اطمئنان ایچون قرون وسطی اثناسنده مراجعت ایدیلان بر نوع تجربه+لردركه حین اجراسنده من طرف الله حق و عدل انضمام ایدە+جکی فرض اولندیغندن حكم الهی معناسنده اولان (ژوژمان دودیو) نامیله تسمیه اولنمشدر ساقسون لساننده (اوردالی) دخی دینور ایدی اشبو تجربه+لر محتلف الانواعدر برنجیسی (صو تجربه+سی) كه مجرم صویه آتیلوب ایچنده بر زمان طوره+بیلمك ویا قاینامش صو ایچنده بر مدت قولنی طوردیرمقدن ایكنجیسی (آتش تجربه+سی) كه آتشده قزارمش تیموری بر مدت النده طوتمق و یا یالین ایاق اوزرنده یوریمكدن اوچنجیسی (شكل عمودی تجربه+سی) كه طرفین متخاصمیندن هر ایكیسی تعیین اولنمش بر زمان ظرفنده قوللرینی صلیب شكلده عموداً طوتمقدن عبارتدر هر قنغی برینك قولی ابتدا یوریلور ایسه دعوایی او غیب ایدر ایمش. بونلردن بشقه حكم الَهی نامیله بعض عجیب مقاتلات دخی وقوعبولوردی كه اوروپالیلر حالادوە+لو دیدكلری بوندن قالمه+در.