ژوبیتر — یونان لساننده (زفس) نامیله معروف و اله الالهة و البشر عنوانلریله موصوف بر شخص مخیلدر روما و یونان اهالیسنك اعتفادنجه بو اله (ساتورن) نام رجل و (ره) نام قاریدن نشأت ایدوب طوغدیغی زمان پدری بونی بلغ ایتمك اوزره ایكن قاری قوجه+سنه چوجق صارغیلرینه صارلمش بر طاش یوتدیروب بونی قورتارمش و كرید اطه+سنده بر قرال قزی کچی سودیله بسلیه+رك بیوتمش ایدی بر یاشنه كیردكده بلع
ماده+سنه مبنی قرنداشلری طرفندن حبسه آتیلان پدرینی حبسدن تخلیص و تختنه اجلاس ایلدیسه ده ینه كندو حقنده بر طاقم دام تزویر قورمقده اولدیغنی اكلادیغندن پدرینی بو دفعه اولمپیادن طرد ایله بالجمه ماملكنه صاحب اولدی اول وقت ژوپیتر (نپتون) و (پلوتون) نام قرنداشلری بیننده دنیا ماملكنی تقسیم ایدوب نپتونه دكزلری پلوتونه جهنملری ویروب كندوسنه ارض و سمایی براقدی مؤخراً كندوسنی خلع ایتمك ایچون سمایه نردبانلرله هجوم ایدن (ژه+انلر)ی صاعقه ضربه+لری ایله دفع و تلف ایلدی. ژوبیتر همشیره+سی (ژنون) ایله دخی تزوج ایدوب بوندن ماعدا باكوسك والده+سی سه+مله و آپولون و دییانك والده+سی (لاتون) و مركورك والدە+سی (مایا) و هركولك والده+سی (الكن) و دها سائر قادینلری دخی استعمال ایدر ایدی دیرلر. روما و یونان شعراسنك ژوبیتر حقنده بو مثللو خرافاته نهایت یوقدر مشه اغاجی بیله اشبو الهه نسبت اولنور. وقتیله اپیرده واقع (دودون) و الیدده واقع (اولیمپیا) و لیبیده (آمون) و روماده (قاپیتول) شهرلرنده ژوبیتر نامنه پك بیوك معبدلر یاپلمشیدی ژوبیترك اك مشهور و جسیم هیكلی (فیدیاس) نام هیكلتراشك اولیمپیا معبدنده التون و فیل دیشندن تصنیع ایتدیکی هیكلدركه عجایب سبعۀ عالمدن معدود طوتیلور بو هیكل اوتورمش بر آدم شكلنده اوله+رق فیل دیشی و التون و کموش ایله ایكیوز اون ایكی قدم یاخود اون سكز مترو ارتفاعنده یاپلمش و قاریسنك رسمی دخی التنه قونمش و صول النده عصا و صاغ النده فیرلادیر صورتده بر صاعقه طوتمش ایدی. یونانیلرك ژوبیتر كریدده واقع (ایدا) طاغنده اقامت ایدر ایدی دیدكلرینه باقیلور ایسه بونك اولوقت كریدده بر حكمدار ذی اقتدار اولدیغی و هركسك بیولده بیولده بو حاله كتوردیكی ظن اولنور.