لغات تاریخیه و جغرافیه

Lugat-ı Tarihiyye ve Coğrafiyye

اثار شعریه

اثار شعریه — حكمت طبیعیه+دە اینجه بوریلر دروننده و قاپلرك سطوح جناحیه+لری طولنجه مایعاتك سطحلرینك ترفع ویاخود تنزل ایتمسی خاصه+سنه دنیلور مثلا اینجه بر شیشه بوری صویه باتیرلسه دروننه كیرن صویك سطحی خارجنده اولان صویك سطحندن یوكسك اولدیغی مشاهده اولنور اكر بو بوری جیوه+یه باتیریلورسه بالعكس دروننه كیرن جیوه سطحنك خارجنده بولنان جیوە+نك سطحندن آلچاق اولدیغی كوریلور و شو تجربه+لر قطرلری مختلف بوریلرله اجرا اولنورسه ترفع ویا تنزل ایدن مایع ستوننك طولی شیشه بوریلرك قطرلریله معكوساً متناسب اولدیغی اكلاشیلور و آثار شعریه سطحلرك انحناسی حسبیله دفع و جذب اثری حصوله كتورر مثلا منطاردن معمول ایكی یووارلق بر صویه وضع اولنوب سطحلری اصلادلدقده بربرندن بعیدجه اولدقجه بینلرنده بر كونه تأثر حاصل اولمازسه ده آثار شعریه مناسبتیله ترفع ویا تنزل ایدن سطحلر بربرینی قطع ایدە+جك درجه+ده تقریب اولننجه مذكور یوارلقلر شدتله بربرینی جذب ایدرلر و بالعكس چام ساقزی ایله بلمومندن یاپیلان ایكی یوارلقدن بری اصلادیلور و دیكری اصلادلمز ایسه بر وجه مشروح صویه وضع و بربرینه تقریب اولندقده بربرینی شدتله دفع ایدرلر.