لغات تاریخیه و جغرافیه

Lugat-ı Tarihiyye ve Coğrafiyye

زوال

زنون — شرق ایمپراطورلرندندر بو ایمپراطور اولا ممالك شرقیه هیئت مستحفظه+سی امراسندن ایكن بعض خدمات شجیعانه+سنه مبنی برنجی (لیون) نام ایمپراطوره داماد اولوب (٤٧٤ م) تاریخنده مشارالیهك وفاتی اوزرینه وقوعبولان بر اختلالده استانبولدن طرد اولنمشیدی مرقوم ایزوریه+یه كیدوب ایكی سنه صكره غوتلر و ایزوریه+لیلرك معاونتی سایه+سنده تخت ایمپراطوری+یه نائل اولدیسه ده براز صكره كندوسنی تخته اجلاس ایدن غوتلر ایله بوزذشدیغنه و كیجه كوندز عیش و عشرته و برطاقم ظلم و تعدیاته حصر وجود ایلدیكنه بناء هركسك نفرتنی قزاندی و (٤٩١ م) تارجخنده سرخوش و بیهوش ایكن زوجه+سی (ادریان)ك دلالتیله باغلانوب حیاً دفن اولندی. زوال — شمسك بر محلك نصف النهار دائره+سی سطحنده بولندیغی مدته تعبیر اولنور. زوال ایكی نوعدر برینه زوال حقیقی تعبیر اولنوركه شمس حقیقینك نصف النهر دائره+سی سطحنده بولندیغی آندر دیكرینه ایسه زوال وسطی دنیلوب یوم وسطی حسابی ایچون فرض اولنمش شمس متوسط موهومك ینه دائرۀ مذكوره سطحنده بولندیغی زماندر. علی العموم ساعتلر زوال وسطی+یه كوره تنظیم اولنمش اولوب حالبوكه بسیطه+لر زوال حقیقی+یی كوسترر. بو ایكی نوع زوال اره+سنده+کی فرقه (تعدیل زمان) دیرلركه موقتلرجه معلوم و مستعملدر. كرۀ ارض اوزرنده هر بر محلك زوال وقتی خطوط شعاعیۀ شمسیه+نك سطح ارضه اك زیاده عموده یقین وارد اولسدیغی زمان اولدیغندن حرارتك اك شدتلی وقتیدر. ساعتلر علی العموم ایكی درلودر بونلر بر طاقمی زوالده اون ایكی+یی كوسترمك اوزره مرتبدركه (الافرانغه) دخی دینور دیكر طاقمی غروبده اون ایكی+یی كوسترمك اوزره مرتب اولوب بونلره ده غروبی یاخود (الا ترقا) تعبیر اولونور.