لغات تاریخیه و جغرافیه

Lugat-ı Tarihiyye ve Coğrafiyye

ژنون

ژنون — اسكی یونانیلرك زعم باطلنجه الَهلرك ملكه+سی و (ساتورن) و (ره)نك كریمه+سی و (ژوبیتر)ك هم زوجه و هم همشیره+سیدر اشبو الَهه قسقانج مغرور و غدار اولوب دنیاده اك زیاده سومدیکی (ترووا) شهری ایدی برقاچ دفعه+لر ترووا محاربه+سنی ایقاع و بیچاره شهرك محوی یولنده نادیده وسائط ابداع ایلمشیدی عاقبت نائل مرام اولدی حسد و غروری حسبیله قوجه+سی ژوبیترك متعدد اوطه+لقلرینی چكه+میوب كرك مرقومی و كرك اوطه+لقلرینی كوجی یتدیكی مرتبه ذم و تحقیره باشلادیغندن ژوبیتر حدتلنوب بونی التون زنجیر ایله ارض و سما بیننه آصدی. ژنون نكاح و لحوسه+لره قاریشور و (سیسام) (ارغوس) (اولمپیا) (قارتاج) و روماده زیاده مظهر تعظیم اولور ایدی بو نازنین قادین بر تخت اوزرنده جالس و باشنده بر تاج النده بر عصا یاننده بر طاوس قوشی اولدیغی و قوس قزح رنكلرینی ناشر و ارقه طرفنده بر ساعیسی حاضر بولندیغی حالده ترسیم ایدیلور ایدی. (زنون) اخیراً كشف اولنان سیاراتدن برینه دخی نام اولمشدر.