لغات تاریخیه و جغرافیه

Lugat-ı Tarihiyye ve Coğrafiyye

زند اوستا

Zend Avesta

زند اوستا — (كلام الحی) معناسنه اوله+رق مجوسلرك ویا اسکی فرسلرك بر كتاب مقدسیدر منقسم اولدیغی ایكی جزؤدن برنجیسی زند لسانی اوزره محرر (واندیداساده)دركه بر نوع دعا كتابی اولوب طلوع شمسدن اول كاهنلر طرفندن اوقونور ایدی بوده اوچه منقسمدر
١ (واندیداو) عقول خبیثه+دن استغاثه و نفوس علویه+یه توجه و كائناتک بیوكلرینه تقرب طریقنی یعنی خالق خیر و شر اثباتیله بونلرك مافوقنده بر خدای قادر اولدیغنه اعتقاد ایتمك یولنی بیلدیرر
٢ (یشت ساده+س)كه بونده بولنان دعالرك اكثریسی پهلوی و فارسی لسانلری اوزره مرتبدر
٣ (سی+روز) (اوتوز كون) آیك هر كوننه مخصوص اوله+رق عقول اجسام لطیفه+دن استشفاعی حاوی دعا و مراسمدن عبارتدر ایكنجی جزؤی (بونده هش) نام قسمدركه علم تكوین عالم فلكیات و دین و عبادات و زراعت و نظامات مدنیه ایله زردشتك سلسلۀ نسبتی حاوی بر نوع مجموعۀ مخصوصه+در بونلردن یالكز (واندیداو)ك تألیفی زردشته حمل اولنور اشبو (زنداوستا) برنجی دفعه اوله+رق (١٧٧١ م و ١١٨٥ ه) تاریخنده (انكه تیل دوپه رون) طرفندن بالترجمه اوروپایه ادخال اولنمش و موسیو (اوژن) دخی واندیدادی ترجمه ایتمشدر (زردشت) كلمه+سنه دخی نظر بیوریله