زنجیلر — جنس بنی بشردن اولوب صورت و صفتلری شو وجهله بیان اولنور دریلری چوق ویا آز سیاه اولوب صاچلری قیصه و قویرجق برونلری قیصه قالین و یصی النلری آلچق یناق كمكلری ایلرویه چیقیق چكه+لری طومالج و مرتفع دوداقلری قالیندر. زنجیلرك دریلرنده اولان سیاهلق (پیقمان) دیدكلری ماده+دن نشئت ایدر ایمش ارباب تحقیقك افاده+سنه كوره پیقمان انسان و حیواناتك بشره+سی تحتنده اولان سونكرجكلر درونندە+كی آچیق و قویی سیاه و نحاسی و سائر رنكلی خرده مواددن عبارت اولوب قیللرك و كوز ببكلرینك و بیاض وجودده+كی بكلرك و ممه باشلرینك و خایه طوبره+لرینك اسمر ویا سیاهلغی هب مواد مذكوردن ظهور ایلر و زنجیلرده زیاده اولیشی ایسه مواد مزكوره+نك انلرده زیاده نشو و نما بولمسندن و بو دخی اقلیمك تأثیر حرارتندن منبعث اولور ایمش زنجیلردن افریقاده بولنان (یولوفلر) و (آشانیتلر) و (غاله+لر)ك چكه+لری مرتفع و برونلری قیصه قالین و یصی دكلدر و پاپوارینده ساكن فوریلر یاخود هارفورالرك دخی صاچلری قویرجق اولمز