زمان حقیقی — ایام نجومیه+نك مدتلری اصلا تبدل و تخلف ایتمز ایسه ده ایام شمسیه بونك عكسنه+در ارض نقطۀ حضیضه یقلاشدقجه مدارنده زیاده+جه مسافه قطع ایلمك حسبیله دائرۀ نصف نهاره براز كج واصل اولدیغندن اول زمان كونلرك مدتی یكرمی درت ساعتدن زیاده اولور و بالعكس نقطۀ اوجه تقرب ایلدکجه مدارنده حركتی بطائت كسب ایلدیكندن اول زمان دخی ایام یكرمی درت ساعتدن نقصان اولور.
شمسك ارائه ایلدیکی وقته زمان حقیقی و عیارلی بر ساعتك كوستردیكی وقته زمان معتدل دیرلر ایام شمسیه+نك مدتلری مختلف اولدیغندن ذكر اولنان ایكی زمان دخی هر وقت مساوات اوزره اولمیوب بعضاً بر چاریك قدر یكدیكرندن فرق ایدر. زمان معتدلك زمان حقیقی+یه غایت تقدمی شباطك اوائلنده واقع اولوب تشرین اولك اواسطنه طوغری ایسه حال بر عكس اولور.