زلیخا — فراعنۀ مصریه+دن (رییان) عمالقینك وزیر عزیزی (اطفیرك)ك زوجه+سیدر. اطفیر حضرب (یوسف) علیه السلامی صاتون آلدیغی زمان مومی الیها كوروب علاقه ایتمش و نائل التفاتی اوله+مدیغندن افترا ایدوب زندانه قویدیرمش ایدی. مؤخراً حضرت یوسفك برائتی تحقق ایدرك زنداندن چیقاریلوب عهده+سنه وزارت توجیه قلندقدن و مومی الیه اطفیر وفات ایلدكدن صكره نائل ازدواجی اولدی. زلیخانك توراتده محرر اولان اسمی (راعیل)در.
)اطفیر) و (یوسف) كلمه+لرینه مراجعت نیوریله .
مرویدركه زلیخا (یوسف) علیه السلامك اثنای سلطنتنده فوق الغایه فقر و فاقه+یه دوچار و شدت عشق و كدردن كمال ضعف و عمایه كرفتار اولمش ایدی بر كون مشار الیه خدم و حشمیله كچركن كذركاهنه طوروب ) سجان من جعل العبید ملوكاً بالطاعة والملوك عبیداً بالعصیة) دیدی حضرت (یوسف) بو مناجات حزینی ایشتمكله یقلاشه+رق سن كیمسك دیوب زلیخا كندو خانه+سنده خدمت سنیه كزی اجرایه جان آتان و بالنفس اللریله صاچیكزی طرایان فقیره+یم حقكزده وقوعبولان خطیئاتم بنی بو چاه ابتلایه دوشوردی دیه+رك دهنكشای اعتذار اولدقده حضرت یوسف كمال مرحمتندن ناشی قصورینی عفو و حبالۀ ازدواجنه ادخال بیوردی و لیلۀ زفافده
بقدرة الله تعالی زلیخایی بكرینه و اسكی حسن و آن عالم پسندینه مالكه اوله+رق بولدی. و افراییم و منسا نامنده ایكی چوجق دنیایه كتوردی.