زلاند جدید — قطعۀ اوقیانوسیه+دە كائن آوسترالیا اطه+سنك شرق جنوبیسنده و قرق عرض جنوبیده یكدیكرینه مجاور برچوق اطه+لردن عبارتدر. بو اطه+لرك هواسی بارد و اهالیسی وحشی و اسمر اللون اولوب
محارباتده طوتدقلری اسیرلری زفتلنورلر و باشلوجه تعیشلرینی یبانی میوه و بالغه منحصر طوتارلر ایمش فقط بو یقینلرده زراعته رغبت و انكلیزلر طرفندن كوندریلان بر پاپاسك یاپدیردیغی مكتبده اداب انسانیه تحصیلنه مباشرت ایلدكلری ایشیدیلیور. انكلیزلرك زلاندده تملك ایتدكلری اراضینك مساحۀ سطحیه+سی ٧٩٩٠٠٠ مربع كیلومترو و اهالیسی یدییوز اللی بیك رادە+سنده+در. اسكی زلاند اطه+لری دخی بحر شمالده و فلمنك دولتی تحت تصرفنده اولان چند عدد بیوك و كوچك اطه+لردن عبارتدر.