لغات تاریخیه و جغرافیه

Lugat-ı Tarihiyye ve Coğrafiyye

زكریا علیه السلام

Zekeriya AS

زكریا علیه السلام — انبیای كرامدندر. حضرت یحیی علیه السلامك پدری و حضرت (مریم)ك تیرە+سی (ایشاغ) نام خاتون زوجی ایدی مشارالیه یهودیلرك حضرت مریمدن طولایی حقنده سوء ظنه دوشه+رك شكایت ایتدكارینی یاخود حاكم هردوتی بر مسئله+دن طولایی كوجندیردیكیچون مرقومك ابتدا كندوسنی صكره اوغلی یحیی علیه السلامی اعدامه قرار ویردیكنی خبر آلدیغنه بناءً كیدوب براغاجك ایچنده انزوا بیورمشلر ایدی خائنلر اوراده بولوب بیچقی ایله كسه+رك طقسان بش یاشنده شهید ایتدیلر. قبر شریفی الآن حلبده زیارتكاه انامدر. توراتده اسمی )زقریا) یازیلیور جناب حق زكریا علیه السلامه یحیی علیه السلامی حال شیخوختنده احسان بیورمشدر. بر روایتده ذوالكفل بودر. یهودا ملکی (یواش) زماننده دخی بو نامده بر پیغمبر ظهور ایدرك مومی الیه یواشی بر طاقم نصایح دینیه ایله اصلاحه چالشمش ایسه ده (الحق مر) موهومنجه نصایح مذكوره یواشك طبع ناملایمنه پك سرت كلدیكندن مشار الیهی بیت مقدس حولیسنده طاشرله اعدام ایتدیرمشدر لكن بر سنه صكره جناب حق سوریه ملكنی اوزرینه تسلیط ایدوب فلسطین و دها برچوق ممالكی مستولی و خراب اولدیغی كبی كندوسی دخی یتاغنده اوشاقلری طرفندن قتل ایدلدی و جنازه+سی (داود) شهرنه كتورلدیسه ده حكمداران مزارینه قونلمق شرفندن محروم اولدی.