آتین بوجقای — بو دخی ترانسیلوانیا دوقه+سی ایدی
)١٦٠٥ م و ١٠١٤ ه) تاریخنده زیر حمایه+سنده اولدیغی اوستریا
دولتندن ایریلوب دولت علیه حمایه+سنی قبول و دولت علیه طرفندن
ویریلان عساكر معاونه ایله اوستریا ممالكنه هجوم ایدرك )دارات)
و (توقای) و (قاشه) و (ایوار) قلعه+لرینی آلدی و برچوق مجار بكلریله
اردوی همایونه كلوب خلعت فاخره كیدی و تریاكی حسن پاشا
مومی الیهك اخطاریله كیدوب نقاط مهمه+ده اولان قلعه و پلانغه+لری
ضبط ایلدی و (١٦١٣ م و ١٠٢٢ ه) تاریخنده وفات ایلدكده
ترانسیلوانیا اهالیسی ایكی طرف اولوب بر طرفی دولت علیه حمایه+سنده
قالمسنی و دیكر طرفی كالاول اوستریا حمایه+سنه کچمسنی استه+مكده و بربرلریله
مجادله ایتمكده ایكن مقدما دولت علیه+یه دخالت ایدن (بتلن قابور) نام
پرنس برطاقم عسكر و اسكندر پاشا ایله كوندریلوب حرباً اقعاد اولندیغی كبی
ایكی طرف دخی اطاعته مجبور اولدی و تسكین هیجان ایچون اهالی+یه
بعض امتیازلر ویرلدی.