زعفرانبورلی — قسطمونی شهرینك یكرمی درت ساعت شمال غربیسنده بر قضا مركزیدر. مع نواحی یكرمی بش بیك اهالی
و یوز یكرمی یدی جامع و اون ایكی مدرسه+یی و اون ایكی خانقاه ویوز یتمش درت مكتب و اون بر حمام ایله بر چوق اورمانلری حاوی اولوب بو اورمانلردن خیلی كراسته و اراضیسندن هرنوع محصولات آلنور و كر پاس و كاوساله كبی بعض شیلر دخی اعمال اولنور. یاز كونلری اهالی قصبه+یه یارم ساعت مسافه+ده واقع یایلایه كیدرلر بو یایلا هواسنك لطافت فوق الغایه+سیله برابر بر طاقم باغ و باغچه و كوشك و دكانلرله مزیندر بعض اصناف طاقملری صباحلین قصبه+یه اینوب اقشام اوزری ینه باغلرینه عودت ایدرلر. بوراسی ایچون (لطافت آب و هوا جهتیله) دنیا جنتی اعتبار اولنان اوچ محلك بری دینلدیكی حالده نقدر لطیف اولمق لازم كله+جكی مستغنیء توصیف و بیاندر.