زره — استعمالی غایت قدیم اولان بر سلاح تدافیعدر اكثریا توراتده بو سلاحدن بحث اولنور. فرسلر یونانیلر فلسطینیلر رومالیلر تیمور زره استعمال ایدرلر ایدی و (داود نبی) علیه السلام صنعت لبوس ایله یعنی تیمور زره و جوشن اعمالیله تعیش بیورر ایدی بونلردن اول اولان زرهلر کچه كنویر طوقومه+سی و باقر تخته+سی و پرنجدن ویا بوینوزدن معمول پوللردن عبارت ایدی صكره (٣٨٠ م) تاریخنده رومالیلر ایله بیزانتلیلر ترك ایدوب طقوزنجی عصر اوائلنده فرانقلر ینه ایجاد ایلدیلر و اوننجی عصرده تیمور حلفه+لردن منسوج بر نوع زره میدانه چیقوب نهایت اون دردنجی عصردن صكره دوكلمش معدندن اعمال اولنمغه باشلدی. زره آیری آیری ایکی صفحه+دن مركب اولوب برنجیسی قبورغه كوكسلك ممه+لك و ایكنجیسی قوللق صرتلقدر بونلر اوموزلق و یان قایشلری واسطه+لریله باغلانور. قلب سپری كوكسك بر قسمنی ستر ایدر معدندن معمول بر نوع زرهدر. اوروپا دولتلرینك بعضیلرنده الیوم پیاده ویا سواری زرهلی نفراتی استخدام اولنتمدە+در.