لغات تاریخیه و جغرافیه

Lugat-ı Tarihiyye ve Coğrafiyye

زرقاء

زرقاء — عربده (جدیس) قبیلۀ قدیمه+سندن (زرقاءالیمامه) نامیله متعارف بر قادیندركه حدت فهم و بصرده (ابصر من زرقاء الیمایه) و (احكم من زرقاءالیمامه) دیو ضرب مثل اولمشدر وقتیله یمنك ملت حاكمه+سی اولان (بنی حمیر) اشبو جدیس قبیله+سی علیهنه سفربر اولوب. كلوركن زرقاء بزی كوره+مسون دیو اللرینه برر اغاج دالی اله+رق كندولرینه سپر ایتمشلر ایدی زرقا ایسه اطرافی تفتیش ایده+بیلور بر یوكسك یرده اوتوروب قومنه نكهبانلق ایتمك عادتی اولدیغندن برمعتاد اوتوردیغی محلدن دشمنی دها اوچ مرحله مسافه+ده ایكن كوروب (یا قوم قدآتتكم الشجر او آتتكم الحمیر) یعنی ای قوم سزه یا اغاجلر كلیور ویاخود (بنی حمیر) دیو چاغردیسه ده كیمسه اینانمیوب تقید ایتمامش و عاقبت زرقانك دیدیکی چیقه کلوب قوم جدیسی تار مار ایتدكدن صكره زرقانك دخی كوزلرینی چیقارمشلردر كوزه سورمه چكمكی ابتدا اعتیاد ایدن مزبوره ایمش.