آتین باتور — ترانسیلوانیا دوقه+سیدر. (١٥٧٥ و ه ٩٨٣
تاریخنده زیر حمایه+سنده اولدیغی اوستریا ایمپراطوری مقسیملیانه كوجنوب
دولت علیه+یه التجا و حمایه+سنی قبول ایلدیكندن دولت علیه بر مقدار
عسكر كوندردی و مومی الیه عساكر مرقومه+یی كندو عسكریله
برلشدیره+رك ایمپراطور مشار الیهی فنا حالده مغلوب و پریشان ایتدی
و بو خدمتنه مكافاةً طرف دولت علیه+دن لهستان قراللغی توجیه بیورلدی.
بو ذات دولت علیه+نك پك چوق خدماتنده بولنمش و برقاچ دفعه دولت علیه
نامنه اوستریالولر و روسیه لولر ایله محاربه ایتمش و ١٥٨٦ م و ٩٩٥
تاریخنده وفات ایلمشدر. یرینه كچن اوغلی )قریستوف) سرسام و احمق بر آدم
اولدیغندن اوستریالولرك دسایسنه آلدانوب دولت علیه حمایه+سنی ترك ایلدی